Матч жоғары қарқынмен басталып, «Астана» алғашқы минуттардан бастап ойынға қосылуға тырысып бақты. Алайда қарсылас шабуылдағы жылдамдығын қолданып, басымдықты өз қолына алды. ЦСКА екі минут ішінде 14 ұпай еншілесе, астаналықтар сапынан тек Дэниэл Утоми алыстан жасаған соққысымен көзге түсті. Әрі қарай Данила Походяев, Григорий Мотовилов пен Утомидің арқасында команда тағы да ұпай еншілеген, дегенмен бірінші ширек алаң иелерінің пайдасына шешілді – 37:11.
Екінші он минуттықта «Астана» сенімдірек ойнап, мінез көрсетті (27:18). Данила Походяев үш ұпайлық соққы жасауға талпынысын жалғастырды (4/14, 29%), Асқар Майдекин мен Владислав Исаенко нәтижелі әрекеттерімен көзге түсті. Сонымен қатар, «Астана» жүйесінің тәрбиеленушісі Валерий Симонов ВТБ Бірыңғай Лигасында дебют жасады.
Үшінші ширекті астаналықтар кездесудің жоғары қарқынын сақтап, бәсекеге қауқарлы ойын өрнегін көрсетті (28:20). Бұл кезеңде алаңға «Астана» сапынан тағы бір дебютант Илья Пестов шықты. 17 жастағы шабуылшы қазақстандық ойыншылар арасынан Лигадағы ең үздік дебют жасаған ойыншы атанды. Илья өзінің алғашқы ойынында 4 ұпай олжалап, 3 рет допты тартып алып, тағы бір рет допты алды. Осылайша, ол осы маусымдағы бір матчта 3 рет допты тартып алған Асқар Майдекин мен Рустам Мурзагалиевтен кейінгі «Астананың» үшінші ойыншысы атанды. Одан бөлек, Пестов Александр Ганькевичтен допты тартып алып ойынды сенімді бастады. Алайда ширек соңына таман ЦСКА ойын тізгінін қайта өз қолына алды – 92:49.
Соңғы он минуттықты «Астана» өз пайдасына жазды. Команда ширектің басында Утоми, Пестов пен Мотовиловтың нәтижелі шабуылдарының арқасында 0:8 есебімен алға шықты. Осылайша, астаналық ұжым шешуші ширекті лайықты ойын өрнегі мен нәтиже көрсетті.
ЦСКА – «Астана» 118:77 (37:11, 27:18, 28:20, 26:28)
«Астана»: Дэниэл Утоми (21 ұпай + 3 пас), Григорий Мотовилов (13 ұпай +7 пас), Данила Походяев (11 ұпай + 5 рет допты алу).
Глеб Плотников, «Астана» БК бас бапкерінің міндетін атқарушы:
«Қорғаныстың әлсіздігінен жеңіліс тапқан ойын. Әсіресе, бірінші ширекте ЦСКА ойға алғанының бәрін жүзеге асырды… Біздің команда, тіпті алаңда болмағандай сезілді. Ал шабуылға келер болсақ, бүгінгі құраммен жақсы, тіпті сәтті деп айтуға болатын ойын көрсеттік. Өкінішке қарай, белгілі бір себептерге байланысты Рустам Мурзагалиев пен Вадим Щербак сырт алаңдағы ойындарға келген жоқ. Сонеымен қатар, команданың тағы бір маңызды ойыншыларының бірі Александр Оразбеков жарақат алып қалды. Бүгін құрамда болған ойыншыларымның бірі «pick and roll» комбинациясында ойнайды. Сондықтан жағдайдан шығатын жол іздеп табу керек болды».
