«Астана» академиясының залында «Астанаға» U-16 Қазақстан құрамасының базалық клубының мәртебесін беру туралы Меморандумға қол қойылды.
Салтанатты шараға «Астана» бас директоры Самсон Аракелян мен ҚР Ұлттық баскетбол федерациясының президенті Абай Алпамысов қатысты.
Меморандум 2023 жылдың 17-24 қыркүйегі аралығында Катарда өтетін Азия Кубогына қатысатын U-16 Қазақстан құрамасы «Астана» инфрақұрылымының базасында құрылатыны туралы уағдаластықты бекітеді.
Құраманы осы маусымда «Астана» Академиясына қосылған жаттықтырушы Никита Ғалиахметов басқарады. Оның басшылығымен 12-16 сәуір аралығында еліміздің әр өңірінен келген жас баскетболшылар қатысатын іріктеу жиыны өтеді. Жиын қорытындысы бойынша жиналған құрам осы уақытта Қазақстан астанасында өтетін U-21 санатындағы ҚР жастар чемпионатына есептен тыс қатысады.
