Өз алаңымызда «Самараны» қабылдаймыз. Қарсылас қандай команда, басты қарсыластарымыздың бірімен ойынға дайындық қалай? Толығырақ материалда.
«Жаңа Самара»
Самара облысындағы спортты қаржыландыруда туындағы қиын жағдай туралы көп жазылды, мәселе баскетболды да айналып өтпеді. Қиын жағдай келесі қарсыласымызға да ықпал етті. Ендігі «Самара» қарашадағы командамен салыстырғанда мүлдем өзге.
Клубтан бас бапкер Дражен Анзулович, шетелдік ойыншылар Насир Брукс («Колоссос», Грекия), Хэйден Далтон («Уралмаш»), Брендан Адамс («Хапоэль Холон», Израиль), Ронни Харрелл («Марусси», Грекия), сонымен қатар Александр Гудумак («Локомотив-Кубань») кетті.
Команданы маусым соңына дейін Владислав Коновалов жаттықтырады. Ол 2022 жылдан бастап клубта бапкердің көмекшісі болып қызмет атқарып келеді. Негізгі құрамға 3х3 баскетбол командасы ойыншылары – Владислав Карпов пен Виктор Кашин көмектеседі.
Алайда команда маусымда аяқтай ала ма, жоқ па – белгісіз. Бүгін клубтың банкротқа ұшырағаны туралы хабарландыру бергені жайында жаңалық шықты. Бұны «Самара» бас директоры Камо Погосян растады. Ол клубтың 30 күні ішінде банкротқа ұшырауы мүмкін екендігін, сондықтан облыс әкімдігімен мәселенің шешімін табуға уақыт бар екенін айтты.
«Самара» соңғы бес ойынның бесеуінде де жеңіліс тапқан, атап айтса, «Зениттен» (73:106, 54:103), УНИКС-тен (94:59), «Локомотивтен» (69:96) және МБА-МАИ-ден (78:80).
«Жұлдыздар»
ВТБ Бірыңғай Лигасы Жұлдыздары матчына «Самара» ойыншылары да қатысады. «Алаң иелері» құрамында орталық ойыншы Илья Попов өнер көрсетеді (11.9 ұпай, 5.8 рет допты алу). Сондай-ақ, Жұлдыздар матчына Егор Амосов та қатысады. Ол Slam Dunk Contest Матч ТВ жарысында бақ сынайды.
Кездесулер тарихы:
Командалар жалпы өзара 10 кездесу өткізген. Оның жетеуінде «Самара», үшеуінде «Астана» жеңіске жетті. Соңғы рет елордалық ұжым «Самараны» 2024 жылдың 14 сәуірінде жеңген. Кездесу жеңімпазы овертаймда анықталып, матч 94:92 есебімен аяқталған.
Глеб Плотников, «Астана» БК бас бапкерінің міндетін атқарушы:
«Самараға» қарсы ойында да дәл өзге командалармен матчтардағыдай өз жоспарымызға сай әрекет етіп, аз қателік жіберіп, ұйымшылдық таныту керек. Қызықты кездесу күтіп тұр».
Асқар Майдекин, «Астана» БК орталық ойыншысы:
«Матчқа дайындық жүргізу үшін уақыт көп емес, ойынға екі күн қалды. Соңғы кездесулер кез келген командамен күрес жүргізе алатынымызды көрсетті. «Самараға» қарсы матч шиеленіске толы болады және көптен күткен жеңісімізге қол жеткізе аламыз деп ойлаймын. «Самараның» да жағдайы бізге ұқсас, командада легионерлер жоқ. Сол себептен ойын қызықты өтеді. Өткен матчты талдадық, зерделедік және жеңіске жету үшін бірнеге соққы жетпегенін түсіндік».
Матч: «Астана» — Самара
Күні мен уақыты: 29 қаңтар, 20:00
Өтетін орны: Астана, «Сарыарқа» велотрегі
Трансляция: клуб сайтында
