Аңдатпа: Астана — Самара

27.11.2024, 13:30 Просмотров: 156
Источник: Баспасөз қызметі
Автор:

ВТБ Бірыңғай Лигасы тұрақты маусымы қарашадағы шағын үзілістен кейін қайта оралады. Ұлттық құрамалардың матчтары артта қалды және ойыншылар өз командаларының сапына келіп қосылды. 28 қарашада «Астана» өз алаңында «Самараны» қабылдайды. Ойыншылармен тілдестік, қарсыласпен жақынырақ танысайық.

Лига андердогы ма?

«Самара» чемпионаттың турнирлік кестесінде тоғызыншы орында тұр (5 жеңіс, 9 жеңіліс). Команда дәл красноярскілік «Енисейдей» жеңіске жеткен. Ал пермілік «ПАРМА» мен Саратовтың «Автодоры» еншісінде алты жеңістен бар.

2024/2025 жылдар маусымында «Самара» өзінен көп үміт күттірген, себебі жақсы құрам жасақтаған. Маусымаралық үзілісте команда Латвия чемпионы мен «Страсбургты» Франция біріншілігі финалына шығуға жетелеген америкалық орталық шабуылшы Насир Брукспен (213 см) келісімшарт жасасты. Самара қаласы командасы сапын толықтырған ойыншылардың бірі – түркиялық «Дарюшшафак» құрамындағы ойынымен танымал Брэндан Адамс, Денвер тумасы Ронни Харрелл (грекиялық «Арис»). Сондай-ақ, Самараға қосылғандар қатарында орталық ойыншы Илья Попов пен Андрей Сопин (екеуі де “Руна”), қорғаушы Иван Пынько (“Уралмаш”) және Глеб Голдырев (МБА) бар. Алайда Дражен Анзулович шәкірттерін кез келген қарсыласты оңай жеңеді деп айтуға ерте. Олар әзірге тек екі рет МБА мен “Енисейді” жеңді, ал плей-оффқа шығу үшін негізгі қарсыластарымен (“Уралмаш”, “Парма”, “Автодор”) ойында қиындықтар болды.
“Астана” үшін бұл ойынның маңызы өте жоғары. Біздің жігіттер тығыз күнтізбе мен төрт ойыншының (Майдекин, Айтқали, Щербак, Мурзагалиев) ұлттық құрама құрама сапына кеткеніне қарамастан, күрес жүргізуге дайын.

Кездесулер тарихы

Командалар жалпы өзара 9 кездесу өткізген, оның алтауында «Самара», үшеуінде «Астана» жеңіске жеткен. Астаналықтар соңғы рет 2024 жылдың 14 сәуірінде қарсыласынан басым түсті, ойын овертаймға дейін жалғасып, 94:92 есебімен аяқталған.

Галин Смит, «Астана» БК орталық ойыншысы:

— «Самара» - жоғары дайындықты талап ететін команда. Әсріесе, скаутинг тұрғысынан. Биыл команда құрамы жақсы жасақталған, сондықтан олардың тактикасын зерттеу керек. Олардың мықты тұсы – шабуылда допты алу, сондықтан матчтағы осы көрсеткішке дайын болу қажет».

Глеб Плотников, «Астана» БК бас бапкерінің міндетін атқарушы

— «Самарамен» матчқа Лигадағы кез келген қарсыласқа қалай дайындалсақ, дәл солай дайындық жүргізіп жатырмыз. Өз ойынымызға көп зейін қоюдамыз. Жақсы және сауатты баскетбол көрсетуге тырысамыз.
Негізгі құрамның төрт ойыншысының ұлттық құрама сапына шақырту алуы дайындық процесін күрделендіргені сөзсіз. Алайда команда ойында күрес жүргізуге әзір. Күнтізбе тығыз, өткен матчтарға көңіл-күйді түсіріп отырар уақыт жоқ»

Матч: Астана – Самара
Күні мен уақыты: 28 қараша, 20:00
Өтетін орны: Жақсылық Үшкемпіров атындағы Жекпе-жек сарайы
Трансляция: клуб сайтында

Команда сенің қолдауыңды күтеді! Билеттер Ticketon.kz сайтында.

Үшінші ширекте жеңгенімізбен, бұл жеңіс үшін жеткіліксіз болды

29.11.2024, 10:00 Просмотров: 367
Источник: Баспасөз қызметі
Автор:

Ойындағы алғашқы қадамды алаң иелері жасап, екі сәтті шабуыл «Астананы» есепте алға шығарды. Самаралықтар ойынға баяу кіргенімен, екі ұпайлық соққыларды орындауда олардың асығы алшысынан түсті (52%:40%). «Астана» бірнеше рет ойынға қайта оралуға әрі есептегі он ұпай айырмашылықты қысқартуға талпынып көрді, бұған Данила Походяев пен Вадим Щербактың дәл соққылары көмектесті.
Екінші он минуттықта командаға орталық ойыншы Андрей Десятников өте көп көмектесті (матчтың бірінші жартысында 7 ұпай, орталық алаңнан соққы жасаудағы дәлдік көрсеткіші – 100%, қорғаныстағы сенімді ойын). Ойындағы Андрейдің қатысуымен өткен сәттердің бірі аптаның үздік ондығына кіруге әбден лайықты: Мағжан Сәрсенғалиевтің пасы мен оның жасаған аллей-уп слэмі. Дэниэл Утоми ширектің екінші жартысында команданы қолынан келгенше алға қарай сүйреді. Алайда қарсылас жақсырақ ойнады, бұған статистика да дәлел.

Дегенмен, үшінші ширекте Глеб Плотниковтің шәкірттері оңай беріле салмайтындығын көрсетті. Бұл он минуттықты «Астананың» осы маусымда өткізген ең үздік ширектерінің бірі деп айтуға болады. Команда ішіндегі өзара түсіністік артқаны көзге көрініп тұрды: екі орталық ойыншы Попов пен Десятников теке-тіресі көпшілік назарында болды. Оразбековтің дәл соққылары есеп айырмасын 10 ұпайға дейін қысқартуға мүмкіндік берді.

Кездесуде әрі қарай күрес жүргізу үшін «Астана» үшінші ширектегі қарқынын сақтап, қателік жібермеуге тырысып, қорғаныста тығыз ойын өрнегін көрсетуі керек болған. Бірақ бұл астаналықтардың қолыннан келмеді.

Алайда шабуылда Айтқали мен Утоми қуантты, Исаенко мен Походяев жақсы ойын сәтін көрсетті, ал матч ВТБ Бірыңғай Лигасындағы ең үздік кездесуін өткізген Александр Оразбековтің орындауындағы аккордпен аяқталды. Өкінішке қарай, самаралықтардан жеңілдік.

«Астана» — «Самара» 59:81 (12:25, 10:19, 24:18, 13:19)
«Астана»: Даниэл Утоми (17 ұпай, 7 рет допты алу), Андрей Десятников (11 ұпай, 5 рет допты алу), Александр Оразбеков (12 ұпай).
«Самара»: Илья Попов (15 ұпай, 5 рет допты алу), Антон Карданахишвили (14 ұпай), Глеб Голдырев (11 ұпай, 5 рет допты алу).

Глеб Плотников, «Астана» БК бас бапкерінің міндетін атқарушы:
— Бүгін қорғаныста нашар ойнадық. Соны қарсылас пайдаланып, жазалады. Қорғаныста сегзі рет допты қарсыласыңа беріп қойсаң, көп қателессең, үш ұпайлық соққыларды орындау көрсеткішің 21% болса, матчта жеңіске жету мүмкін емес. Жұмыс істейміз, бүкіл матч бойы үшінші ширектегідей ойын өрнегін көрсету керек, қандай жағдай болмасын берілуге болмайды.

Андрей Десятников, “Астана” БК ойыншысы:
- Жеңіліс тапқаннан кейін, ұпайдың еш маңызы жоқ. Ойынға келген жанкүйерлерге рақмет. Бізге қолдау ауадай қажет. Бүгін шабуылда допты қарсыласқа көп беріп қойдық, қорғаныста наша ойнадық. Үшінші ширекте өзіміз көрсеткіміз келетін ойын деңгейіне жақын болдық, алайда бүгін де жеңіске жете алмадық.