Ақпан айындағы үзіліс «Енисейдің» соңғы нәтижелеріне қатты әсер еткен жоқ – турнирлік кестедегі оныншы орын (11-26). Одан бөлек. Йовица Арсич шәкірттері 13 ақпаннан бері «Автодор» (79:74), МБА-МАИ (79:86), «Локомотив-Кубань» (83:95), «Пари НН» (89:76) және ЦСКА (91:86) командаларына қарсы матчтар өткізіп, бесеуінде де жеңіліс тапқан. Дегенмен, чемпионат көшбасшысына қарсы ойында красноярскілік команданың мінез көрсеткенін айта кету керек.

Қарсыластың тұрақты маусым аясында өткізетін алда 6 матчы бар және олардың плей-офф үшін талас жүргізуге де мүмкіндігі де жетеді. Бұл жолда команда бірқатар қиындықтармен бетпе-бет келуі де мүмкін. Команданың негізгі легионер ойыншыларының бірі – америкалық Виктор Сандерс (14.1 ұпай және 3.4 пас) жарақат алып қалды және маусым соңына дейін командасына көмектесе алмайды. Оның аяқ сүйегі сынған. Сонндай-ақ, ақпанда маусымда 21 матчқа қатысқан қорғаушы Захар Ведищев «Енисей» сапынан кетті. Ойыншы мансабын өзге клубта жалғастырады.

Ойыншылар арасынан кімге зер салу керек?

- «Енисей» қорғаушысы Владислав Близнюктің қаңтар айындағы матчта жасаған үш ұпайлық соққылар сериясы ойын жеңімпазын анықтауға көмектескен (63:78).
- Дэниэл Утоми соңғы 16 матчтың бәрінде кем дегенде бір үш ұпайлық соққы орындаған. «Астана» ойыншысы сериясын жалғастыра ала ма?

Кездесулер тарихы

ВТБ Бірыңғай Лигасы чемпионаты аясында командалар өзара 25 кездесу өткізген. 19 ойында «Енисей», 6 матчта «Астана» жеңісты өз пайдасына жазған. Соңғы рет астаналықтар «Енисейді» 2020 жылдың 1 наурызында 64:78 есебімен жеңген.

Глеб Плотников, «Астана» БК бас бапкерінің міндетін атқарушы:

- Команда құрамында мәселелер бар екені бәріне белгілі, оған қоса жақында негізгі ойыншыларымыздың бірі Григорий Мотовилов жарақат алып қалды. Мүмкіндік беріліп, сенім артылған жастар осы үмітті ақтап, өздерін көрсетіп, жақсы нәтиже қол жеткізуімізге үлестерін қосады деп сенемін. Алдағы матчта алаңнан нағыз команданы көргім келеді.
 

Ойын Дэниэл Утомидің бірнеше нәтижелі шабуылынан басталды, «Енисей» бұны өз назарына алып, алыстан жасалатын соққыларға басымдық бере бастады. Осылай Глеб Плотников шәкірттері ойын бойы красноярскілік команданың үш ұпайлық соққыларымен күрес жүргізді. Астаналықтар тең деңгейде өнер көрсетуге талпынғанымен, бірінші ширек +12 ұпай айырмашылығымен есепте алға кеткен алаң иелерінің пайдасына шешілді.

Екінші ширектің басында «Астана» есеп айрымасын 7 ұпайға дейін қысқарта алды. Ти Джей Старкс соққы жасайтын өте көп мүмкіндік жасады. Сондай-ақ, бұл ойында Андрей Десятников командаға біраз пайдасын тигізді. Ол алаңның орталық бөлігінен соққы жасау көрсеткішін 90% сақтауға көмектесті және қарсыластың соққы жасауына кедергі келтірді. Алайда Галин Смиттің төртінші фолы «Астана» құрамына өзгеріс енгізуде қиындықтар туғызды, оған қоса Перевалов пен Близнюк өз ойындарын тапты. Ойынның алғашқы жартысында командамызға үш ұпайлық соққылар жетіспегенін атап өту керек.

«Енисейдің» үш ұпайлық соққылары діттеген жеріне жетіп тұрды, үшінші ширекті алаң иелері алыстан дәл жасалған соққымен бастады. Бұл команданың есептегі айырмашылықты сақтап тұруына көмектесті. Дегенмен, қазақстандық команда қарсыласының есепте тым алға кетуіне мүмкіндік бермей, әр сәтте күрес жүргізді. Ширек қорытындысында есеп айырмасы қысқарып, тек 5 ұпай айырмашылығымен есе жібердік – 17:12.

Ойынның қорытынды он минуттығын сәтті бастадық, 6:11 – «Астана» пайдасына. Команда алыстан жасалатын соққылардың пайыздық көрсеткішін жақсартты: капитан Рустам Мурзагалиев пен Владислав Исаенко алғаш болып көзге түсті. Алайда қарсылас та нәтижелі шабуылмен жауап қатып, камбэк жасау қолымыздан келмеді.

 «Енисей» — «Астана»  92:65 (27:15, 19:13, 17:12, 29:25)

«Астана»: Ти Джей Старкс (19 ұпай + 4 ет допты алу), Андрей Десятников (12 ұпай + 7 рет допты алу), Аскар Майдекин (9 ұпай), Рустам Мурзагалиев (8 ұпай + 4 пас).

Глеб Плотников, «Астана» БК бас бапкерінің міндетін атқарушы:

— «Қорғаныста толықтай жеңіліс таптық. Баскетболда бой мен өлшемнен басқаның бәріне үйретуге болады. «Енисей» бізге қарағанда көбірек шабуыл жасады, ал біз үш ұпайлық соққылар орындай алмадық, сондықтан пас беру керек еді, осының барлығы матч нәтижесіне әсер етті. Бірінші ширекті әлі де болса нашар өткізіп келеміз, жұмысты жалғастырамыз».