«Астана Академия» Ұлттық лига аясында «Каспиймен» көшпелі сериясын аяқтады.
Бұл ойындарды тамашалауға көптеген ақтаулықтар келді, себебі «Астана Академиясын» жергілікті командамен байланыстыратыны бірнеше фактор бар: 2021/22 маусымында «Каспийде» Александр Оразбеков, Валерий Симонов және Мағжан Сәрсенғалиев ойнады, Михаил Лоншаков жаттықтырса, клуб жетекшісі Самсон Аракелян болды.
Екі кездесу де біздің клубтың сенімді жеңісімен аяқталды: 68:92 және 86:99.
Серияның үздік ойыншылары болып Валерий Лиходей (22+15 ұпай), Игорь Каныгин (8+20 ұпай, 14+13 допқа бірінші жету), Мағжан Сәрсенғалиев (13+16 ұпай, 7+3 нәтижелі пас) және Валерий Симонов (9+6 ұпай, 5 + 3 рет допқа жету, 3 + 7 нәтижелі пас). Екінші ойында Александр Оразбеков өзін өте жақсы көрсетті (22 ұпай, 8 нәтижелі пас, 5 тосқауыл).
Өкінішке қарай, бірінші ойында 10 ұпай жинаған Әмірәлі Сүлейменов жарақат алып, екінші матчта ойнаған жоқ.
Енді команда 20 және 21 қарашада «Сарыарқа» велотрегінде «Алматы Легионына» қарсы үй сериясын өткізеді.
 «Самұрық-Қазына» ұлттық әл-ауқат қоры |
 Бірыңғай оператор «Туризм индустриясы мен спортты қолдау қоры» |
