Баскетболшыларымыз 13-23 тамыз аралығында Ахмедабадта (Үндістан) өтетін U18 Азия Кубогында ел намысын қорғайды.
Турнирде 14 құрама бақ сынайды, олар: Қазақстан, Аустралия, Қытай, Қытайлық Тайбэй, Үндістан, Иран, Жапония, Корея Республикасы, Ливан, Жаңа Зеландия, Филиппин, Шри-Ланка, Сирия және Таиланд. Біздің командамыз D тобында Оңтүстік Корея, Жапония және Үндістанға қарсы ойнайды.
Еске салайық, бұған дейін Қазақстан құрамасы CABA іріктеу турнирінің жеңімпазы атанған еді. Жарыс қорытындысында «Астана-Жастар» ойыншысы Саян Мамутов турнирдің MVP ойыншысы деп, ал Санжар Әубәкіров үздік орталық ойыншы деп танылған болатын.
Жігіттерімізге сәттілік тілейміз!
