ВТБ Бірыңғай Лигасы турнирлік кестесінде мәскеулік команда 11-орында тұр (4 жеңіс, 13 жеңіліс) және олар үшін де 2024/2025 жылдар маусымы сәтті өтіп жатыр деп айту қиын. Қыркүйектің соңынан бері Василий Карасев шәкірттері 4 жеңіске қол жеткізді. Олар «Уралмаш» (85:68), «Автодор» (68:76, 88:81) және, өкінішке қарай, «Астананы» (63:76) жеңді.

Алайда МБА-МАИ жеңіл қарсылас деп қарауға болмайды, мәскеулік ұжым – соңғы ысқырық шалынғанға дейін күресетін команда. Осыдан бірнеше күн бұрын өткен «Пари Нижний Новгородпен» ойында дәл солай болып, мәскеулік ұжым соңғы минутты жеңіліс тапқан (88:89). Қарашада красноярскілік «Енисеймен» (78:76) және пермілік «ПАРМА-мен» (58:63) матчтар осы кездесуге ұқсас болған.

Тәжірибе мен жастықтың үйлесімі

Тәжірибе мен жастықтың үйлесімі – бұл команданы сипаттау үшін осыдан артық теңеу табу мүмкін емес. Артқы сызықта – осы маусымда жоғары ойын деңгейін көрсетіп жүрген Макар Коновалов (орта есеппен 0.9 ұпай), Евгений Воронов (7,6 ұпай) – команда капитаны, Ресей баскетболының нағыз аңыз ойыншысы. Ол паркеттегі өзінің энергиясымен жастарға әр доп үшін күрес жүргізу керектігін көрсетеді. Алдыңғы сызықтағы Андрей Зубков (орта есеппен 16,7 ұпай, 7 рет допты алу) Хави Паскуальдің ойынын еске салады, бәлкім, ол Санкт-Петербургте көбірек ойын уақытын алуға лйық болған шығар. Владислав Трушкин осы маусымда өзінің нәтижелілігімен қуантып жүр, әсіресе доға арқылы соққы жасауда (16.7 ұпай). Соңғы уақытта орталық ойыншы Евгений Минченко паркетте көзге түспей жүр, алайда оның сақина астында жақсы ойнайтынын естен шығармау керек.

Кездесулер тарихы:

ВТБ Бірыңғай Лигасы чемпионатында командалар өзара 7 кездесу өткізген. Алты матчта МБА-МАИ жеңіске жетсе, бір ойын «Астананың» пайдасына шешілген. Астаналықтар 2024 жылдың 20 қаңтарында қарсыласын 80:71 есебімен жеңген.

Неліктен бұл матчты өткізіп алмау керек?

Осы аптаға дейін МАБ-МАИ ВТБ Бірыңғай Лигасында легионерсіз өнер көрсеткен жалғыз команда болған. Алайда «Самара» сапындағы күтпеген өзгерістер команданы шетелдік ойыншыларсыз қалдырды, енді Дражен Анзулович шәкірттері жаңарған құраммен ойнайды (3х3 баскетбол ойыншыларымен). Демек жаңа жылғы қарай турнирлік кестенің төменгі жағындағы командалар арасында шиеленіс арта түседі деген сөз, бұл – біздің командамыз үшін де жақсы мүмкіндік.

Өзінің соңғы матчында «Астана» ВТБ Бірыңғай Лигасына тағы бір ойыншыны қосты. Шабуылшы Сардал Абашидзе Лигадағы дебюттік матчында 9 минут ойын уақытын алып, 6 ұпай олжалады және 4 рет допты алды. Алдағы ойында да Сардал өзін жақсы көрсете алады деп сенеміз. Әрине, жас ойыншыларымыз – Оразбеков, Исаенко мен Сәрсенғалиевтің прогресін назардан тыс қалдырмаймыз! Оларға тек сәттілік тілейміз! 

Глеб Плотников, «Астана» БК бас бапкерінің міндетін атқарушы:

- «МБА-МАИ – жастық пен тәжірибе ерекше үйлесім тапқан мықты команда. Бұған дейін жасаған қателіктерімізді жібермеуіміз керек, ұйымшылдық көрсетіп, лайқыты күрес көрсету үшін ойынға құрған жоспарымызды ұстануымыз қажет.

Аскар Майдекин, «Астана» БК орталық ойыншысы:

- «МБА-мен матчқа дайындықты өткен ойында жіберген қателіктерімізді сараптаудан бастадық. Не болса да, еңсемізді түсірмейміз, жұмыс жалғастыра береміз. Өзіміздің ең жақсы ойынымызды көрсетіп, сырт алаңда жеңіске жетіп, жакнүйерлерімізді қуантуға тырысамыз!

Матч: МБА – Астана
Күні мен уақыты: 8 желтоқсан, 18:00
Өтетін орны: Баскет Холл, Мәскеу
Трансляция: біздің сайтымызда

Ойынның алғашқы ширегі бойы командалар бірдей деңгейде өнер көрсетті. «Астананың» қарсыласымен күресуге дайын екендігі көрініп тұрды. Дәстүрге сай, кездесу есебін қазақстандық ұжым ойыншысы Рустам Мурзагалиев өзінің үш ұпайлық соққысымен ашты. Ойынның алғашқы жартысындағы қарқынды дәл осы Мурзагалиев жасады: капитан 3 үш ұпайлық соққының авторы атанды (1-ширекте), әрі бұл мәскеулік ұжымның есепте алға озып кетуіне мүмкіндік бермеді. Алаң иелері сапынан Евгений Вороновтың алыстан жасаған соққысы ғана діттеген жеріне дәл жетті. Бірінші ширек. Екі ұпай айырмашылығымен МБА-МАИ алда – 19:17.

Екінші ширекте біздің командамыз тағы нашар ойын өрнегін көрсетті. Мсәкеуліктер 8:0 есебімен алғы кетіп, астаналық команда бас бапкерінің міндетін атқарушы Глеб Плотниковті ойын жоспарын талқылау үшін тайм-аут алуға мәжбүрледі. Бұл он минуттықта «Астана» біразға дейін ұпай еншілей алмады, алайда кезеңнің екінші жартысында Утоми 2+1 ұпайы, Оразбеков пен Десятниковтің байланысы, Майдекиннің сақина астындағы жұмысының арқасында команда өзіне қажетті ұпайларын еншілей бастады. Өкінішке қарай, «Астана» қорғаныста жеңілді (17-27 допты алу), ал МБА-МАИ болса, дәл осы сәтте өзін сенімді сезіне бастады. Таблодағы есеп – 37:25.

Үзіліс «Астанаға» пайдасын тигізіп, Глеб Плотников шәкірттері үшінші он минуттықты сенімдірек өткізіп, кезең тең басталды – 5-6. Әрі қарай қарсылас ойыншысы Владислав Трушкин белсендірек ойнай бастап, командасына 5 ұпай әкелді, сөйтіп МБА-МАИ есепте 15 ұпай айырмашылығымен алға кетті. Бұған Походяев жауап қатып, Галин Смит Данил Касаткинге блок-шот қойды. 51:38 – есепте мәскеулік команда алда.

Дэниэл ойынның соңғы он минуттығында жарқырады. Кезең басында ол сақина астында команда капитанынан керемет пас алды, бірнеше рет Кобе Брайанттың стилінде шабуыл жасады. Алайда бүгін МБА-МАИ-ді жеңу үшін Походяев пен Щербактың соққылары, Майдекиннен сақина астында көбірек қысым қажет болған. Қарсылас осы қателіктерді қолданып, жеңіске жетті. Соңғы минуттарда алаңнан тағы қазақстандық жас ойыншылар Сардал Абашидзе мен Мағжан Сәрсенғалиевті көргеніміз қуантты.

МБА-МАИ — Астана 73:49 (19:17, 18:8, 14:13, 22:11)

МБА-МАИ: Макар Коновалов (15 ұпай, 7 пас), Иван Белоусов (11 ұпай), Владислав Трушкин (10 ұпай,7 рет допты алу).
Астана: Даниэл Утоми (16 ұпай, 4 рет допты алу), Рустам Мурзагалиев (11 ұпай, 5 рет допты алу), Андрей Десятников (7 ұпай, 5 рет допты алу).

Василий Карасев, МБА-МАИ бас бапкері:

- «Бастысы – берілмей, жұмыс істедік, бізде де қателіктер болды. Қорғаныста айтарлықтай жақсы ойнадық. Шабуылдар сапалырақ болса дейсің. Ү шұпайлық соққыларды жүзеге асыру көрсеткішіміз өте төмен… Ойынға қойған басты мақсатымыз – жеңіске жету, көп ойын уақытын алмайтын баскетболшыларымызға өзін көрсетуге мүмкіндік беру болған. Біз оларға қол жеткіздік».

Глеб Плотников, «Астана» БК бас бапкерінің міндетін атқарушы:

— «Қорғаныста айтарлықтай жақсы ойнадық, тек қарсыластың допты алуына көп мүмкіндік беріп қойдық. Әлі де сол баяғы мәселелермен жұмыс істеп жатырмыз, атап айтсақ, қателіктер, соққыларды жүзеге асыру мен оларды ұйымдастыру. Жалпы, шабуылды есепке алмағанда, қорғаныс жағынан сәтті ойын өткіздік».