Чемпиондыққа үміткер

ВТБ Бірыңғай Лигасы 2024/2025 жылдар маусымында «Зенит» сенімді түрде екінші орында келеді (15 жеңіс, 2 жеңіліс). Көш басында – ЦСКА (15 жеңіс, 2 жеңіліс). «Зенит» мәскеулік команданы 7 желтоқсанда өз алаңында 82:78 есебімен жеңіп, ЦСКА-ның 11 ойынға жалғасқан жеңіс сериясын үзген. Команда кеткен есесін қайтарды десек болады. Қазан айында Андреас Пистиолис шәкірттері «Зенитті» 83:77 есебімен жеңген. Хави Паскуаль бастаған команда оған дейін «Локомотив-Кубань» ұжымынан жеңілген, тағы да қазан айында (76:83). ВТБ Бірыңғай Лигасы басқа командаларымен ойынның бәрінде «Зенит» жеңімпаз атанды.

Санкт-Петербург шоқжұлдызы

Паскуаль биыл күміске қанағат қыла ма? Екіталай. ЦСКА-мен ойында командасы 2021/2022 жылдар маусымындағы чемпиондық энергиясын көрсетті. Санкт-петебургтік команданың маусым бел ортасынан асқаннан кейін және плей-офф дәл осындай күресті қайта көрсетуіне мүмкіндігі бар. «Зениттің» құрамы да бұған мүмкіндік береді. Ксавьер Мун ВТБ Бірыңғай Лигасы шеңберінен шығып кетіп жатыр, оның өткен матчтағы тиімділігі 24 болды, ал жалпы орта есеппен осы маусымда ол 14.4 ұпай еншілеп үлгерген. Жақында ғана Ливан ұлттық құрамасының сапында өнер көрсеткен Омари Спеллман (командасына Азия Кубогына шығуға көмектесті) биылғы маусымда тұрақты ойын өрнегін көрсетіп жүр – 11.0 ұпай, 5.5 рет допты алу). Еуропадағы бірнеше маусымнан кейін Санкт-Петербургке қайта оралған Алекс Пойтресс (4.4 рет допты алу) – сақина астындағы ойында оңай қарсылас емес, команданың ардагер ойыншылары Георгий Жбанов пен Винс Хантер (оның алдағы матчқа қатысуы екіталай, ол ЦСКА-мен матчта жарақат алды) де қорғаныста қиындық туғызуы мүмкін. Ал Ресей баскетболының аңыз ойыншылары Сергей Карасев пен Андрей Воронцевич – кез келген қарсыласқа қауіп төндіре алатын баскетболшылар.

Неліктен бұл матчты өткізіп алмау керек?

Көшбасшы командалардың ойнын жіберіп алмау керек және үздік төрттіктегі кез келген клубпен матч – жаңа нәрсе үйренуге берілген мүмкіндік.

Кездесулер тарихы

ВТБ Бірыңғай Лигасы чемпионатында командалар 20 рет кездескен. 15 ойында «Зенит» жеңіске жетсе, бес матчты «Астана» өз пайдасына шешті. Соңғы рет астаналық команда Санкт-Петербург қаласы ұжымын 2021 жылдың 4 қазанында 83:69 есебімен жеңді.

Руслан Айтқали, «Астана»  БК шабуылшысы:

«Зенит» — ВТБ Бірыңғай Лигасы тұрақты чемпионаты көшбасшыларының бірі. Алайда біз әр ойында күрес жүргізуге дайынбыз. Барымызды салып, жақсы, қызықты баскетбол көрсетуге тырысамыз. Әр матчқа дайындығымыз жоғары. Команда қиын кезеңді бастан өткеріп жатыр, әрине, біз мұндай шақта бір-бірімізге қолдау көрсетіп жүруге тырысамыз».

Глеб Плотников, «Астана» БК бас бапкерінің міндетін атқарушы:

«Келесі қарсыласымыз мықты. Ұйымшылдықты арттыру керек, кездесу бойы тұрақты ойнауға тырысып, өз мүмкіндіктерімізді жүзеге асыруымыз керек».

Матч: «Зенит» – «Астана»
Күні мен уақыты: 11 желтоқсан, 21:30
Өтетін орны: Санкт-Петербург, «Арена» СКК
Трансляция: клуб сайтында, ВТБ Бірыңғай Лигасы сайтында
 
 

Ойынды белсенді бастадық

Кездесудің алғашқы он минуттығы Глеб Плотников шәкірттерінің ойынға зор дайындықпен шыққанын және соңына дейін зейіндерін жоғалтпауға тырысқандарын көрсетті. Мұндай қарсыласпен осылай ойнау – оңай міндет емес. Галин Смиттің ойын басындағы путбэгі ерекше есте қалды, бүгінгі кездесі есебін де өзі ашты. Шабуылшымыз сақина алдындағы үш секундтық аймақта Вадим Щербак берген күрделі пастарды қабылдап, жоғарыдан соққы жасау мүмкіндіктерін жіберіп алған жоқ. Әрі қарай Походяевтің орындаған айып соққылары «Астананың» есепте алға шығуына мүмкіндік берді – 9:6. Сондай-ақ, ширек соңында Владислав Исаенконың ұпай еншілегенін айта кету керек. Кезең соңына қарай «Зенит» ойынға қосылып, үш ұпайлық соққылардың арқасында есепте алға шықты – 26:15.

Қарсыласқа оңай берілмедік

Екінші ширекте командамыз шабуылда сәтсіз өнер көрсетсе, «Зенит» есепте алға кетті. Астаналық ұжым сапынан Мағжан Сәрсенғалиев айып соққыларын дәл орындап, командасына ұпай сыйлады. Екінші кезең соңына таяған сәтте «Астана» өзгеше ойын өрнегін көрсете бастады, бұл тұста алаңның орталық аймағынан және тағы бірнеше шабуылды сәтті жүзеге асырған Дэниэл Утомиге алғыс айту керек. Команда осылайша есептегі айырманы қысқартқан, алайда «Зенит» тағы да матчта көш бастады – 43:27.

Үшінші ширек

Күрес жалғасын тапты. «Зенит» матчты бақылауынан шығарған жоқ. Алайда біздің командамыз да кері шегінбеді. Смит сақина астында бірнеше нәтижелі шабуыл ұйымдастырды, Походяев алыстан соққылар жасады. Сәлден соң алаң иелері өз мықтылықтарын сезініп, шабуыл қарқынын үдете түсті. Осылайша, кездесу соңына дейін жететін басымдыққа қол жеткізді – 74:49.

Қорытынды он минуттық

Қорытынды он минуттық барлық сұрақтың нүктесін қойып, жігіттеріміз чемпионат көшбасшысына қарсы ойын қарқынын ұстап тұра алмады. Кезең басында тағы да соққыларды орындауда мәселелермен бетпе-бет келді, ал бұны қарсылас өз пайдасына қолдана білді. Ал біз болсақ, ойынды қазақстандық ойыншылардан ғана жасақталған бестікпен аяқтадық. Ал бұл – болашақ жеңістердің кірпіші.

Зенит — Астана 96:59 (6:15, 17:12, 31:22, 22:10)

Зенит: Денис Захаров (17 ұпай, 4 рет допты алу), Омари Спэллмэн (14 ұпай), Трент Фрейзер (14 ұпай).
Астана: Галин Смит (12 ұпай, 6 рет допты алу), Данила Походяев (12 ұпай, 6 рет допты алу), Даниэл Утоми (10 ұпай, 6 рет допты алу).

Глеб Плотников, «Астана» БК бас бапкерінің міндетін атқарушы:

— «Зенитті» жеңісімен құттықтаймын. Кей сәттерде ойын жақсы өтті. Бізге жақсы және нашар ойындар арасындағы арақашықты қысқарту керек. Команда құрамымен мәселелер бар екені жасырын емес. Екі ойыншым клубтың фарм-командасынан. Сондықтан жоғары деңгейдегі шабуыл ұйымдастыруымыз қиын. Қазір команда құрамындағы ойыншылар үшін «Зенитке» қарсы матч үлкен тәжірибе деп есептеймін».

Данила Походяев, «Астана» БК шабуылшысы:

-  Қарсыласты жеңісімен құттықтаймын! Чемпионаттың көшбасшы командаларының біріне қарсы жақсы ойын, біз бұл матчқа жақсы дайындық жүргіздік. Кей сәттерде жақсы ойнадық. Алайда төртінші ширекте  қателікке жол бердік, бұл – біздің осы маусымдағы басты мәселеміз. Жұмыс істейміз».